وائل جسار : مراتى هى أميرة قلبي

أكد الفنان اللبناني وائل جسار أن مفيش خلاف بينه و بين مراته، وكل اللى بتقوله وسائل الإعلام من أخبار حوالين مشاكل بينهم هي مجرد إشاعات وفي حوار له مع مجلة الكواكب قال جسار "ماكنش فيه خلاف بيني وبين مراتى عشان نتصالح..و مقدرش أحب واحدة غيرها فهي أميرة قلبي".

من ناحية تانية وضح وائل أنه مش على خلاف مع الفنانة ميريام فارس، لكنه قال أنها دايماً بتزعل منه لما بيقدم لها النصائح، عشان كده مش هيتكلم عنها تانى.

باسم يوسف يكشف حقيقة "انجليزي ده يامرسي"

في الحلقة اللي فاتت من برنامج "البرنامج" اللي قدمه باسم يوسف علي قناة CBC، كان في فقرة "انجليزي يامرسي" واللي انتقد فيه الطريقة اللي اتكلم بيها الرئيس في رحلته لألمانيا، من حيث خلطه الانجليزي بالعربي، إلا إنه النهارده الأحد كتب بوست يوضح فيه انتقاده للغة الانجليزية للرئيس، كتب فيه :"بمناسبة الحلقة الاخيرة و خاصة في الجزء المتعلق باستخدام الرئيس للغة الانجليزية و خلطه بالعربية, عندي رأي مفاجأة لكم. بالنسبة لمن تلقى تعليم حكومي و رجع من امريكا منذ اكثر من ثلاثين سنة فالرئيس يتحدث الانجليزية بصورة جيدة جدا. فقد رأيته في اكثر من لقاء بال سي ان ان و غيرها و لغته جيدة و مفهومة. الإفيه هنا كان في خلطها بالعربية, مما جعل الموقف كوميدي و بصراحة انا شايف ان الرئيس كان يداعب الحضور و خصوصا في موضوع الدرنك و الدرايفينج ده. الخلاصة, نحن لا نتشفى في احد و هذا برنامج ساخر و نحمل الاحترام للجميع. و انا اكتب ذلك للتدليل على انه بالرغم انه برنامج لاذع و لكنه لا يأخذ الامور بطريقة شخصية حتى مع من يهاجموننا او يطعنون فينا. شكرا .. باسم".