خالد يوسف : حزب الحرية والعدالة .. كافر بالحرية والعدالة

صرح المخرج "خالد يوسف" في برنامج "الشعب يريد" اللي بيتذاع علي قناة التحرير، بإن حزب الحرية والعدالة  -التابع لجماعة الاخوان- كافر بالحرية والعدالة، وأكد علي إن جماعة الاخوان عاوزين يقضوا علي القضاء والعدالة، وتكميم افواه الصحافة والإعلام وقمع الحريات، وعمل ميليشات مسلحة لترويع المعارضين وإن تاريخهم بيأكد الكلام ده.
وقال خالد إن الموجة الثانية من الثورة بتحصل دلوقتي، وإنها لو متمتش هتتحول الثورة إلي ثورة جياع تقضي علي كل شىء قدامها.
وأكد خالد علي إنه واثق من فشل الاخوان في انتخابات مجلس الشعب الجاية، لإنهم هيخسروا معركتهم مع القضاء والإعلام.