توفيق عكاشة اعتذر على الهوا مباشرة في أول حلقات برنامجه "مصر اليوم" على قناة "تايم دراما" للدكتور محمد البرادعي على اللي قاله في حقه قبل كده، ووجه الشكر ليه ، واكد أنه اختلف معاه عشان المواطن المصري، وبيتفق معاه دلوقتي برضه عشان نفس السبب .وكمان قدم الاعلامى توفيق عكاشة مالك قناة الفراعين، من خلال برنامج "مصر اليوم" على قناة "تايم دراما"، اعتذار ورسالة لكبار الاعلاميين والصحفيين وفى مقدمتهم، ابراهيم عيسى ووائل الابراشى وقال لهم: "احنا ايد واحدة"، ده غير انه وجه الشكر لجريدة الدستور وفيتو، وأخص جريدة الفجر، وقال عنها "قدمت لمصر شهيدا صحفيا وهو "الحسينى ابوضيف"، ووقفت فى وجه الجماعة الفاشية وتفجير الثورة فى كل اركان مصر".
وأشاد عكاشة بقيادات جبهة الانقاذ الوطنى، وفى مقدمتهم حمدين صباحى وعمرو موسى ومحمد البرادعى، قائلا: " نحن نتعلم من القامة السياسية عمرو موسى اللى ميعرفش الا الحق، وكمان البرادعى اللى كنت باختلف معاه خوفا على فقراء مصر واتفق النهاردة معاه حفاظا على الفقراء"،واشاد بانجازات البرادعى على المستوى الدولى وتشريفه لمصر.
وعن تغيير موقفه قال "السياسية متغير ومينفعش أني أكون على موقف واحد، ولا ابقي راجل بتاع طرشى ومهلبية"،واكد ان الثابت هو الديانات بس زي اليهودية والمسحية والاسلامية.وغازل عكاشة الإعلامية لميس الحديدي بتحية لما قال عنها "أثبتت أن فيه ستات بألف راجل"،وأعلن أنه من اليوم هيكون مدافع عنهم على الرغم من الاختلاف معاهم ومهاجمتهم ليه فى الفترة اللي فاتت.ووجه الإعلامي توفيق عكاشة التحية والاعتذار لعدد من رجال الأعمال، منهم نجيب ساويرس وأحمد بهجت.
وعن باقي ملاك القنوات، أوضح عكاشة أنهم كانوا بيحسوا بحالة من الخوف اول ما بيعرفوا أنه هيتم استضافته على القناة، وكمان وجه عكاشة الشكر للفنان هاني رمزي لاستضافته فى برنامج "الليلة مع هاني".
ليست هناك تعليقات:
إرسال تعليق